話咁快就到端午節喇,難得放假梗係食下粽應節啦 😋

小編好鐘意粽,食得多容易「滯」,難消化,胃氣脹。

💁🏻‍♀️ 今次介紹大家三款養生茶,幫助消化和解油去膩,仲可以增強抵抗力。

山楂洛神花茶|開胃消滯,活血補血

好食又怕肥,想解油,消脂,消滯就要配山楂洛神花茶喇。
山楂有開胃消滯既功效,而洛神花除左可以消脂和幫助消化,仲有活血補血,改善睡眠,提高免疫力等功效。

味道微微酸酸甜甜,非常好飲開胃架!

桂花烏龍茶|除口氣,暖胃止痢

粽味濃,較油膩高脂,食多容易引發痰多咳嗽。

桂花馨香,除左能祛除口氣,殺滅口中細菌外,仲有化痰止咳,暖胃止痢等功效。
桂花烏龍茶,既芳香又能潤腸暖胃,更有美白肌膚作用架。

香橙苿莉花茶|心意最緊要

唔講唔知,原來端午節氣送禮,送粽子水果外,仲有送花既?

不同既花有不同既花語,有唔同既心意。茉莉花顏色潔白,香氣濃郁,許多國家將其作為愛情之花,男女間表達堅貞愛情🙈

三個食極唔肥小貼士

1. 晚餐唔好食粽、記住走鹹蛋黃

一隻鹹蛋黃約200卡,相等於一碗飯,吃糭唔食黃,足足減少三分之一熱量吸收,而且膽固醇含量都少左。

晚上新陳代謝減慢,變相難消化,容易胃酸過多,血糖急升,消化不良。

所以晚餐唔好食粽,唔好食粽,唔好食粽,好重要講三次。

2. 先食水果打底,飲茶助消化

水果打底容易有飽足感,從而減少吃糭的份量。

除此之外,菠蘿、奇異果、木瓜、柚子或橙含天然消化酶,能幫助消化,免得吃滯。
而茶含有豐富「兒茶素」,具抗氧化、提高新陳代謝等功效,其中以烏龍茶為最佳解油膩消脂界既神茶。

3. 食粽走醬走砂糖

要人走醬走砂糖真係大佬級,非常困難。

建議可試下改用蜂蜜,桂花糖代替,減少糖分或鈉吸收,相對更健康。

節氣推介